BT vačyma biełarusa
KISIEL NA DESERT
U žniŭni na BT źjaviacca niekalki teleprahramaŭ francuskaj vytvorčaści. Zaklučanaja damova pamiž «Pieršym nacyjanalnym kanałam» i Francuskim Mižnarodnym kanałam, CFI. CFI zajmajecca zakupkaj prahramaŭ roznych telekampanijaŭ Francyi i raspaŭsiudam ich na kanałach inšych krainaŭ, jakim było b ciažka samim heta nabyć. Hetki miakki francuski kulturnicka-infarmacyjny ŭpłyŭ. Adpaviednyja pahadnieńni z CFI majuć 17 kanałaŭ (i dziaržaŭnych, i pryvatnych) z byłych sacyjalistyčnych krainaŭ (siarod postsavieckich – akramia Rasiei dy Estonii). Miarkujecca, što na BT budzie 7 hadzinaŭ francuskaha efiru štomiesiac. Pieršyja paŭhady – zabiaspłatna, potym – 300 dalaraŭ za miesiac. Temy roznyja – i mastackija, i dakumentalnyja, i multfilmy, kancerty. Užo pačaŭsia zapis dy pierakład prahramaŭ. Na biełaruskuju.
A Ryhor Kisiel hetaha, chutčej za ŭsio, nie pabačyć. Na pasadzie staršyni BT jon siadzić ledź nie apošnija dni. Praktyčna vyrašanaje pytańnie pra jahony, jak heta zvyčajna robicca, pieravod na inšuju pracu – ambasadaram u adnu z krainaŭ Siaredniaj Eŭropy. Ale naprykancy jon jašče zdoleŭ padkłaści śvińniu Staličnamu telebačańniu (STV). Jak pisała «NN» u minułym numary, užo tydzień jak vypuski staličnych navinaŭ mielisia vychodzić u efir nia tolki na «8-m», ale j na kanale ORT. Patrebnyja damoŭlenaści ź Ministerstvam suviazi Biełarusi dy rasiejcami byli. A Kisiel zahadaŭ svaim techničnym słužbam nie puščać u efir kankurentaŭ. Chacia, jakaja tam pakul kankurencyja – čatyry razy na tydzień 15 chvilinaŭ mienskaha žyćcia paśla hadziny nočy. Ale ž ulez budučy ambasadar RB nie ŭ svaje miždziaržaŭnyja pahadnieńni, zamianiŭ saboj cełaje biełaruskaje ministerstva.
Lepš by narmalnaj kankurentazdolnaści dy «raskrutki» BT damahalisia ad ułasnych prahramaŭ dy supracoŭnikaŭ. A to ŭ «Telenavihatary» doŭha j z honaram raspaviadali pra internetaŭski sajt BT, a samaje hałoŭnaje – jaki ž adras?! – nie skazali. Heta, napeŭna, kab hledačy ŭ «haściavuju knihu» nia zdoleli napisać, što jany pra BT dumajuć…
Arciom Łukjanovič
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary