Ab usim patrochu

 Ab usim patrochu

Čyki-čykin

Z 1 kastryčnika začynilisia 19 prahramaŭ BT. Siarod ich “Siońnia z vami”, “Akalada”, “Aŭta-park”, “Abibok” dy ŭsie travieńskija “hučnyja novyja prajekty”. “Akalada” — adzinaja z prahramaŭ, što specyjalizavałasia na biełaruskim roku dy inšaj sučasnaj muzycy, “Abibok” raspaviadaŭ pra kulturnaje žyćcio, a “Aŭta-park” uvohule pavodle “karcinki” byŭ samaj sučasnaj prahramaj u našym etery.

Na zamienu pojduć 19 novych prajektaŭ, adabranych z 105 zajavak. Hałoŭnym patrabavańniem kamisii na čale z namieśnikam staršyni C.Rybakovym da zajavak na novyja prahramy byŭ padrabiazny kaštarys usich vydatkaŭ na vytvorčaść. “FIT” svaje prahramy, chaj sa źmienami dy stratami, adstojaŭ. Zamiest “Abiboka” pojdzie “Viečarovy ekspres” (budzie tolki pra muzyku), “Kryminalnaja chronika” pieratvarajecca ŭ hetkaje ž “Daśje”, a “Aŭta-park” u parezanym vyhladzie (da 5 chvilin) budzie vychodzić u ramkach “Dobraj ranicy, Biełaruś!” (darečy, hetaj prahramy ŭ kastryčniku nia budzie — z techničnych pryčynaŭ: pieraabstalavańnie studyi). A voś “Akaladzie” zamieny nie znajšłosia.

Usie novyja prahramy zahadana zapuścić u efir z… 7 listapada! Hetki drobny kamunizm. A što ž bolš za miesiac pakazvać buduć? A ničoha – seryjały, dakumentalnyja filmy, naviny…

Arciom Łukjanovič

Tonkaści kalanizacyi

U čaćvier hazeta “Źviazda” vyjšła z rasiejskamoŭnaj układkaj, pryśviečanaj “parlamenckamu schodu Biełarusi j Rasiei”

Heta sumiesny prajekt “Narodnaj haziety” i rasiejskaj dumskaj “Parłamientskoj haziety”. Ciapier da jaho dałučyłasia i “Źviazda” — u parušeńnie Zakonu ab druku (“Źviazda” zarehistravanaja jak biełaruskamoŭnaje vydańnie, i nijakija rasiejskamoŭnyja ŭkładki paśviedčańniem nie praduhledžvajucca).

Prykra, što i adna z najdaŭniejšych biełaruskich hazetaŭ addała svaje staronki pad kalanijalny ahitprap.

Viadoma, drukavać takuju ŭkładku ŭ “Sovietskoj Biełoruśsii” ci “Znamia Junosti” niama sensu – aŭdytoryja hetych hazetaŭ i biez taho zrusifikavanaja. A voś tym, chto ŭsio šče addaje pieravahu biełaruskamu słovu, viadoma, musova pramyvać mazhi.

Hetkaja roŭnaść vychodzić: u Rasiei takija ŭkładki drukuje viedamasnaja hazetka-biuleteń, nikim nie čytanaja, a ŭ Biełarusi – dva najmacniejšyja nacyjanalnyja vydańni. Heta jak i na telebačańni: “sajuznuju prahramu” ŭ Biełarusi pakazvajuć u najlepšy čas na adzinym nacyjanalnym kanale, a ŭ Rasiei – aby-kali na adnym, nia samym papularnym, dziaržaŭnym. Takija voś kalanijalnyja tonkaści.

B.T.

Nohi maładafrontaŭcaŭ

Lifty apošnim časam niby raspačali strajk. Dy jašče pieravažna ŭ dziesiacipaviarchovikach. To stajać nieruchoma pa šeść miesiacaŭ z-za zvyčajnaha niadbajstva, a byvaje, dyk i złamyśniki, jak u našym vypadku, skraduć kabiel siłkavańnia.

Pradstaŭniki pradpryjemstva žyllovaj haspadarki na zdareńnie raźviali rukami — na składzie ničoha niama, ale ciaham usiaho dvuch miesiacaŭ abaviazkova vypravim…

Heta było ŭžo zanadta. Bo ŭ adnoj z kvateraŭ budynku, jaki napatkała takaja prykraść, jakraz na 10-m paviersie žyŭ maładafrontaviec. Ci sapraŭdy byli ŭ jaho chvoryja nohi, ci turbavali kłopaty ciažarnaje susiedki, ci to jon prosta ździviŭsia aperatyŭnaści ramontnikaŭ, ale ŭžo nastupnym dniom hrupka miascovych maładych “fašystvujučych nacyjanał-radykałaŭ” prapanoŭvała žycharam domu pa vuł.Turava, 10 padpisacca pad patrabavańniem terminovaha ramontu liftaŭ.

U harvykankamie, praŭda, kudy byli pryniesienyja čatyry dziasiatki podpisaŭ, zajaŭnikaŭ vietliva paprasili pieradać abureńnie ludziej u pradpryjemstva žyllovaj haspadarki. Tam sustreli pryjazna. Praŭda, doŭha nie mahli zrazumieć, što takoje MHA MF (zajaŭnik) i čamu na biełaruskaj movie. Ale zajavu zarehistravali j paabiacali razabracca ŭ “čačenii” miesiaca.

Ale, pračakaŭšy ŭsiaho dva tydni, niaŭrymślivyja maładziony skrajnich pohladaŭ skłali zajaŭku na pikiet la harvykankamu. Tut užo jany sustreli nieprychavanaje nierazumieńnie. Spn.Barsukova, zahadčyca adździełu pisiem, kateharyčna admoviłasia prymać papierčynu, patłumačyŭšy, što spačatku varta źviarnucca z prablemaj u ichnuju ŭstanovu, a ŭžo paśla taho jak nad joj parazvažajuć razumnyja dziadźki i ciotki (vielmi chutka — nia bolej za miesiac), možna padumać i pra pikiet.

Ale bol u nahach kali-nikali robić cudy. Prademanstravaŭšy niebłahoje viedańnie zakonu ab masavych mierapryjemstvach (dzie ni słova niama pra toje, što pierad pikietavańniem tre niekudy źviartacca ź niejkimi prośbami) i straciŭšy niamała kaštoŭnaha času, maładyja ludzi damahlisia pryjomu zajavy. Jakuju navat zarehistravali (voś heta demakratyčnaść!) adrazu, jak prynieśli.

Tym časam lifty stajali, nadziei na PŽH maleli z kožnym krokam pa prystupkach, a da pikietu (jaki, chutčej za ŭsio, tak i tak nie dazvolili b) čakać ažno 15 dzion…

Voś i ŭźnikaje novaja zaduma: a ci nie napisać list da Samoha?.. Da sp.Krasnova, staršyni Mahiloŭskaha harvykankamu? Skazali — źviazali. U staršyni prasili kampramisu: vy nam zapuskajecie lifty, my vam nia jdziem na niesankcyjanavany pikiet.

Praź niejkija try dni ŭvieś mahiloŭski MF śviatkavaŭ pieramohu! Z treciaha zachodu, vyklučna zakonnymi srodkami, vydatkavaŭšy 31 arkuš papiery j 16 hadzin času. A što ž vy dumali? Nohi choć mo j nie kaštaŭniejšyja za hałavu, ale taksama patrabujuć da siabie dobraje ŭvahi. Vierycie?

Andruś Kavaloŭ, Mahiloŭ

Znoŭ papsa na Niamizie

Užo druhi tydzień štosuboty (16 i 23 vieraśnia) kala bukinistyčnaj kniharni “Vianok” u Trajeckim pradmieści davodzicca nazirać “narodnyja hulańni”, inicyjavanyja mienskimi ŭładami. To Małarycki rajon pradstaŭlaŭ maładyja talenty — takich chłopčykaŭ, jakija śpiavajuć na rasiejskaj i ŭkrainskaj movach, to “Pieršamajski dom dziciačaj tvorčaści” ładziŭ “śviata” dla dziaciej i ich baćkoŭ. Dla dziaciej roznyja kłoŭny i dysnejeŭskija kački z Myšaniatami, a darosłym — piva i smažanaje miasa.

Uvohule pałatak ź pitvom i ježaj nie brakavała — udzielniki “śviata” bolš toŭpilisia kala “miesca adstoju piva”, čym kala sceny, dzie razahretaja viadučaja amal histeryčna kryčała ŭ mikrafon: “Davajtie budiem siehodnia viesieliťsia!”

A tym časam u pierachodzie na “Niamizie”, dzie zahinuli 53 maładyja žyćci, sumna daharała čyjaści śviečka. Zabaviŭšysia kala fotazdymkaŭ achviaraŭ, vycirali ślozy niekalki maładych dziaŭčat — danosiłasia hučnaja muzyka i było dobra čuvać da bolu abrydłyja słovy: “Aj-jaj, dievčonki!..”

Horka, sumna j ahidna.

Janka Citovič, Miensk