sport
Hrunvaldzkaja pieramoha BATE
Futbolny klub BATE (Barysaŭ) u Miunchienie pieramoh klub bundeślihi “Miunchien-1860” ź likam 1:0 u pieršym matčy druhoha raŭndu Kubku Intertota. Matč-revanš adbudziecca 14 lipienia na haradzkim stadyjonie Barysava (pačatak a 18-j).
Vyrašalny hoł zabiŭ na 76-j chvilinie forvard Arciom Kancavy. Heta ŭžo treciaja zapar pieramoha BATE na eŭrakubku, pryčym u treci ž raz — “usuchuju”. BATE — pieršaja biełaruskaja kamanda, jakaja pieramahła niemcaŭ na ichnym poli (mienskaje “Dynama” na Kubku ŬEFA ŭ 1995 h. pieramahło niamiecki “Verder”, ale na svaim poli).
“Hrunvalderštadyjon” sabraŭ 25 tys. hledačoŭ: niemcy pryjšli padtrymać “svaich”, i tyja ad pačatku matču pačali nastup pa ŭsim froncie. Forvardy “Miunchienu-1860” Ahastyna i Maks (najlepšy bambardzir bundeślihi letaś) papsavali našym futbalistam šmat kryvi. Pieršyja paŭhadziny hulni barysaŭski bramnik Žaŭnoŭ nia mieŭ spakoju. Ale varoty ŭdałosia adstajać “suchimi”.
A potym pamyliŭsia miunchienski kapitan Kurc, i niemcam pryznačyli penalty. Adnak Arciomu Kancavomu (“štatnamu penaltystu” kamandy) nie paščaściła: niamiecki hałkiper złaviŭ miač. Ale z hetaha momantu miunchiency stali hulać bolš abačliva. Raniejšaha zadzioru ŭ ich chapiła jašče chvilinaŭ na dziesiać, kali Žaŭnoŭ ledźvie “dastaŭ” miač, što lacieŭ roŭnieńka ŭ varoty.
U druhoj pałovie hulni barysaŭčanie pierachapili inicyjatyvu i pačali ŭsio čaściej atakavać. Sproby treneraŭ “Miunchienu-1860” pierałamać sytuacyju zamienami hulcoŭ vyjavilisia niaŭdałymi. Na 76-j chvilinie futbalisty BATE praviali kontrataku, jakaja j zaviaršyłasia ŭdaram Arcioma Kancavoha z pasu Skrypčanki.
Hety hoł maralna złamaŭ niemcaŭ, i ŭ BATE navat byŭ šaniec pavialičyć razryŭ. Na žal, barysaŭčanin Šmihiera mahčymaści nia vykarystaŭ.
Ci zdolejuć barysaŭčanie zamacavać svaju pieramohu ŭ matčy-revanšy? Niečakanaści nia vyklučanyja. Bavarskaja kamanda abjektyŭna nie słabiejšaja za biełaruskuju. Da taho ž, barysaŭčanam budzie davać pra siabie znać stoma paśla adyhranaha ŭ sieradu matču na pieršynstvo Biełarusi z kamandaj “Dniapro-Transmaš”. Ale ž u svajoj chacie i dzirki hrejuć.
Adam Voršyč
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary