Urad i apazycyja ŭzhadnili plan reformy systemy achovy zdaroŭja. Ci jość vartaje pierajmańnia dla Biełarusi?
Bolš za 140 młrd eŭra štohod idzie ŭ Niamieččynie na systemu achovy zdaroŭja. I ŭsio ž z hodu ŭ hod brakuje srodkaŭ na lačeńnie chvorych i raźvićcio haliny, a daktary skardziacca na małyja zarobki. Bo časta hrošy traciacca nie na toje, na što treba, dyj hramadztva stareje i patrabuje ŭsio bolšaj medyčnaj dapamohi.
Vysokija ž vydatki na medycynu pavialičvajuć... biespracoŭje, bo składki płaciać napałam rabotniki i pracadaŭcy. Apošnim robicca niavyhadna stvarać novyja pracoŭnyja miescy. A za lačeńnie biespracoŭnych płacić dziaržava, što taksama paharšaje jaje ekanamičnaje stanovišča.
Meta reformy, praviadzieńnie jakoj paśla doŭhich pieramovaŭ uzhadnili kancler Šroder i liderka apazycyi Anhieła Merkiel (varty pierajmańnia ŭ Biełarusi prykład), — źnizić da 2007 h. vydatki na medycynu ź ciapierašnich 14,4% da 13% biudžetu. Buduć pieraraźmierkavanyja doli krynicaŭ, jakija finansujuć medycynu. Źmienšycca dola «kasy chvorych», kudy centralizavana pastupajuć zbory z rabotnikaŭ i pracadaŭcaŭ, a sami chvoryja buduć płacić bolej.
Buduć brać bolšyja hrošy i za leki, i za znachodžańnie ŭ bolnicy; navat za samu mahčymaść pajści da doktara daviadziecca štokvartał vykładvać 10 eŭra. Ale ŭsia suma nie pavinna pieravyšać 2% dachodaŭ pacyjenta (ci 1% dla chranična chvorych). Tolki dzieciam i moładzi ničoha płacić nia treba budzie. A dziaržaŭnyja dapamohi na naradžeńnie dziciaci ci na pachavańnie naahuł adyduć u niabyt.
Taksama reforma liberalizuje handal lekami (ich možna budzie pradavać navat praź Internet), što asłabić ciapierašniuju manapoliju aptekaŭ i tym samym źnizić ceny na leki.
Ciapier čytajuć
Pastupova vyjšli na volu aryštavanyja pa «Spravie kniharoŭ». Akramia adnaho5
Pastupova vyjšli na volu aryštavanyja pa «Spravie kniharoŭ». Akramia adnaho
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary