22 krasavika ŭ Kanadzie na 86-m hodzie žyćcia pamior Barys Rahula (nar. 1 studzienia 1920 hodu), namieśnik staršyni Rady BNR.
Jon pražyŭ poŭnaje pryhod i niebiaśpieki žyćcio. U vajnu stvaraŭ biełaruskaje vojska, na čužynie staŭ viadomym lekaram. B.Rahula nie ličyŭ siabie hierojem, ścipła kazaŭ, što zrabiŭ dla biełaruskaj spravy ŭsio, što moh. I ŭsio ž chacieŭ zrabić bolš.
Jon byŭ charyzmatyčny lider, jaki ŭ čas niamieckaj akupacyi zdoleŭ zapalić ahoń biełaruskaha patryjatyzmu ŭ sercach navahradzkaj moładzi. Jahony konny «švadron», ukamplektavany nacyjanalna śviadomymi chłopcami z nastaŭnickaj seminaryi, byŭ paśpiachovym prapahandysckim prajektam. Ludzi, upieršyniu ŭbačyŭšy svajo biełaruskaje vojska, vieryli, što kaliści budzie i svaja biełaruskaja ŭłada.
Barys Rahula vielmi lubiŭ sport. U 1942 hodzie na navahradzkim stadyjonie jon bieh stometroŭku z najlepšym u rajonie na hetaj dystancyi — Kastusiom Ramanovičam. Cikava, što naradzilisia jany ŭ adzin dzień — 1 studzienia, tolki ŭ roznyja hady. Na finiš pryjšli plačo ŭ plačo. A sioleta amal adnačasova pakinuli hety śviet…
Apošniaje interviju z B.Rahulem u pačatku hetaha hodu zapisaŭ žurnalist ź niamieckaha Rostaku Alaksandar Adziniec. U sakaviku jon źviazaŭsia ź im znoŭ, kab zadać jašče niekalki pytańniaŭ, ale Rahula ŭžo byŭ vielmi słaby. «Mnie nadyšoŭ čas źbiracca ŭ darohu», — skazaŭ Barys Rahula, kali apošni raz telefanavaŭ mnie z Kanady.
Siarhiej Jorš
Ciapier čytajuć
«Źnik bieź źviestak» vielmi małady biełaruski najomnik15
Kamientary