Лідару гурта Gods Tower далі тры гады хіміі за абразу старшыні Гомельскага аблвыканкама
Тры гады абмежавання волі атрымаў Уладзіслаў Наважылаў за абразу прадстаўніка ўлады, старшыні Гомельскага аблвыканкама Генадзя Салаўя.
У жніўні мінулага года Уладзіслаў напісаў у фэйсбуку каментар пасля сустрэчы чыноўніка з народам, дзе параўнаў чыноўніка з жывёлай.
«Я застаўся вельмі незадаволены тым, як ён сябе там вёў. Ён ніяк не рэагаваў на запыты грамадзян, — тлумачыў Наважылаў. Паводле яго слоў, ён ужо паспеў забыцца пра той пост, аднак, як аказалася, чыноўнік абразіўся.
У апошнім слове ён зазначыў, што ад рашэння суддзі залежыць лёс ягонай сям’і. Уладзіслаў Наважылаў — адзіны карміцель у сям’і, дзе двое непаўналетніх дзяцей. Сям’я жыве на здымнай кватэры. «У выпадку пазбаўлення мяне волі жонка і дзеці апынуцца на вуліцы. Калі каму цікава, што я хачу, — гэта застацца на волі», — цытуе словы музыкі «Радыё Свабода».
Цяпер чытаюць
Дачка Надзеі Ермаковай пастаўляе рыбу ў калоніі, бальніцы і сілавікам7
Каментары