Старшыня савета дырэктараў групы «Сафмар» Міхаіл Гуцэрыеў як паэт-песеннік можа сутыкнуцца з праблемай выплаты роялці — адлічэнняў за выкарыстанне твораў яго аўтарства — у краінах ЕС, якія ўвялі супраць яго (і афіцыйнага Мінска) санкцыі, лічаць эксперты ў галіне інтэлектуальнага права, піша РБК.
РБК
Песні на яго тэксты выконваюць, у прыватнасці, Ала Пугачова, Грыгорый Лепс, Мікалай Баскаў. Сярод песень, напісаных на вершы Гуцэрыева, напрыклад, Love Story ў выкананні Міхаіла Шуфуцінскага, «Горкі смак бузіны» Любові Успенскай, «Вішнёвыя ружы» Іосіфа Кабзона. Усяго Гуцэрыеў напісаў вершы больш чым для 300 песень.
У санкцыйныя спісы ЕС Гуцэрыеў трапіў 21 чэрвеня 2021, паколькі ён мае бізнэс-інтарэсы ў Беларусі і з'яўляецца даўнім сябрам Аляксандра Лукашэнкі, патлумачыла Рады Еўропы.
У Еўропе вяшчаюць рускамоўныя станцыі, у эфіры якіх гучыць і сучасная папулярная музыка. Напрыклад, на Кіпры пад брэндам «Рускае радыё» працуюць станцыі ў Лімасоле, Нікасіі, Пафасе і Ларнацы.
Іх праграмны дырэктар Яна Собалева адмовілася патлумачыць, ці можа зараз «Рускае радыё» на Кіпры трансляваць песні на вершы Гуцэрыева.
Усе еўрапейскія рахункі і актывы членаў санкцыйных спісаў будуць заблакаваныя. Калі ў Гуцэрыева як паэта-песенніка ёсць дамова з арганізацыяй калектыўнага кіравання правамі з ЕС, якая выплачвае аўтарам роялці за выкарыстанне іх песень, то гэта юрыдычная асоба не будзе мець права пералічваць сродкі на карысць Гуцэрыева, кажа Сяргей Гландзін, спецыяльны дарадца па санкцыйным праве калегіі адвакатаў Pen & Paper.
Паводле яго слоў, такая арганізацыя павінна будзе замарозіць сродкі, прызначаныя Гуцэрыева, у сябе на спецыяльным дэпазітным рахунку.
Цяпер чытаюць
Спявачку Мэрыем Герасіменка на працягу двух гадоў збіваў муж18
Каментары