Сілавікі прыйшлі да бацькоў блогера Андрэя Павука, падставай для візіту стаў яго ўдзел у прайдзе ў Вільні з чырвона-зялёным сцягам.
Відэа апублікаваў у сваім тэлеграм-канале супрацоўнік СТБ Рыгор Азаронак, заўважыла «Медыязона».
Андрэй Павук прыйшоў на шэсце ў рамках фестывалю Baltic Pride 7 чэрвеня. Ён быў апрануты ў форму беларускай міліцыі, у руках у яго быў дзяржаўны чырвона-зялёны сцяг.
З-за гэтага супраць блогера распачалі чарговы крымінальны пераслед, на гэты раз па артыкуле пра абразу дзяржаўных сімвалаў (артыкул 370 КК). Пасля гэтага сілавікі прыйшлі да бацькоў блогера. На відэа з заблюранымі тварамі яны кажуць, што іх сын «прыняў удзел у геі-парадзе з беларускім сцягам».
«Першае, што нам скажуць: сын за бацьку не адказвае, маці за сына таксама не нясе адказнасці… Нясе, нясе», — піша Азаронак.
Рыгор Азаронак у відэа таксама пагражаў адказнасцю тым, хто трапіць у кадр падчас здымкі або стрыму Павука. Паводле словаў прапагандыста, яны будуць разглядацца як «суўдзельнік злачынства».
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары