Памятаеце навіну пра знойдзены склеп у Хойніцкім раёне? Археолагі выказалі здагадку, каму ён належаў
Тыдзень таму трактарыст у полі знайшоў старажытны склеп. Тады выказвалася меркаванне, што ён належаў роду Аскеркаў, бо недалёка ад таго месца ў 2019 годзе знайшлі магільную пліту з імёнамі прадстаўнікоў роду.
Як распавёў «Гомельскай праўдзе» навуковы супрацоўнік музея Гомельскага палацава-паркавага ансамбля Юрый Панкоў, на шыльдзе, прымацаванай да труны ў склепе, напісана, што тут пахаваны Альфрэд.
Прозвішча, на жаль, цалкам прачытаць не ўдалося, аднак, на думку краязнаўцы Сяргея Бельскага, гэта мог быць Альфрэд Абуховіч — таксама прадстаўнік вядомага беларускага роду.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ