Пытанне аб выдачы былога прэзідэнта Кыргызстана Курманбека Бакіева не з’яўляецца праблемай у адносінах дзвюх краін.Пра гэта, як паведамляе дзяржаўнае агенцтва БелТА, заявіў Аляксандр Лукашэнка 11 снежня ў Мінску на сустрэчы з членамі Клуба галоўных рэдактараў краін СНД, Балтыі і Грузіі.
«Праблема з Бакіевым — гэта сёння ўжо не праблема ў нашых адносінах. Вам патрэбен Бакіеў? Навошта? Чалавек жыве, з’ехаў, усякае бывае, гадуе дзяцей», — сказаў Лукашэнка.
Ён таксама пракаментаваў чуткі аб прычынах непрыезд на саміт СНД у Ашхабад цяперашняга прэзідэнта Кыргызстана Алмазбека Атамбаева.«Некаторыя ў Расіі, ды і ў нас, пісалі, што ён не прыехаў у Туркменістан, бо я там быў. Мы ўжо шмат разоў сустракаліся, у нас з ім добрыя адносіны. А не прыехаў ён таму, што там у гэты час сабраліся кіраўнікі ўрадаў ШАС», — растлумачыў Лукашэнка.
Агенцтва
«Жыве чалавек, пенсію яму сюды перавядзіце. Быццам бы налічана, але не пераводзяць»,— адзначыў Лукашэнка. Ён таксама паведаміў, што дзеці Бакіева за кароткі перыяд часу паспелі вывучыць беларускую мову.
«Я не быў сябрам Бакіева, ён быў сябрам Пуціна, Назарбаева», — заявіў Лукашэнка і, успамінаючы падзеі ў Кыргызстане, дадаў:
«Ён тэлефануе, плача: забяры дзяцей. Я кажу: прыязджай разам з дзецьмі».
Каментары