Лідар КНДР на сустрэчы ў Пхеньяне з сакратаром Рады бяспекі Расіі Сяргеем Шайгу паабяцаў заўсёды падтрымліваць Маскву ў міжнародных справах, у тым ліку ў сітуацыі вакол Украіны, паведамляе тэлеграм-канал «Пул №3» са спасылкай на Паўночнакарэйскае тэлеграфнае агенцтва.
Фота: KCNA.kp
«Таварыш Кім Чэн Ын запэўніў, што ўрад КНДР і надалей будзе безумоўна падтрымліваць пазіцыю і знешнюю палітыку Расіі ва ўсіх сур'ёзных міжнародных палітычных пытаннях, перш за ўсё вакол Украіны.
Ён выказаў надзею і ўпэўненасць, што Расія і надалей будзе непахісна дамагацца перамогі ў справядлівай свяшчэннай справе абароны суверэнітэту дзяржавы, тэрытарыяльнай цэласнасці і інтарэсаў бяспекі. Было пацверджана поўнае супадзенне пазіцый».
Каментары