У Ганконгу з'явіліся свае «цітушкі». Так, нагадаем, называлі нанятых за грошы крымінальных элементаў, якіх кідалі супраць пратэстоўцаў на Майдане.
Пра гэта ў пятніцу, 3 кастрычніка, у сваім твітары паведаміла журналістка Agence France-Presse Кэці Лі.
Паведамляецца, што іх звозяць у Ганконг з іншых раёнаў краіны.
Акрамя таго, у сваім профілі яна напісала пра тое, што ў раёне Монг Кок у натоўпе пратэстоўцаў былі зафіксаваныя выпадкі сэксуальнага дамагання.
Таксама Katy Lee паведаміла, што 3 кастрычніка група мужчын у масках збіла пратэстоўца, які замінаў ім зносіць барыкады прыхільнікаў дэмакратызацыі.
Раней 3 кастрычніка паведамлялася, што ў Ганконгу пачаліся масавыя беспарадкі.
Бойка адбылася паміж удзельнікамі акцый пратэсту. Прыхільнікі афіцыйнага Пекіна спрабавалі разабраць барыкады апазіцыі.
Пратэсты ў Ганконгу пачаліся з дэманстрацыі студэнтаў, якія патрабавалі дэмакратычных рэформаў.
Каментары