Зяленскі: Расія адмаўляецца абменьваць беларускіх палонных ці палітвязняў
Прэзідэнт Украіны Уладзімір Зяленскі заявіў, што Расія выкарыстоўвае палонных замежных добраахвотнікаў як інструмент ціску на іхнія краіны. Паводле яго слоў, расійскі бок адмаўляецца абменьваць не толькі гэтых іншаземцаў, але і грамадзян Беларусі, якія ваявалі на баку Украіны, паведамляе «Укрінфарм».
Зяленскі патлумачыў, што Расія хоча праз гэтых людзей уплываць на адносіны з краінамі іх паходжання — каб вырашаць уласныя інтарэсы. Напрыклад, дамагацца вызвалення сваіх спецагентаў або аказваць палітычны ціск. Таму, кажа ён, вельмі рэдка магчыма пачуць пра абмен палоннымі з Лацінскай Амерыкі — Масква не жадае абменьваць грамадзян іншых краін.
Асобна Зяленскі адзначыў, што Расія не хоча нават прызнаваць, што беларусы ваявалі за Украіну, і не згаджаецца аддаваць іх — нават калі гаворка ідзе не пра вайскоўцаў, а, напрыклад, пра палітвязняў.
Ён дадаў, што перадае партнёрам з розных краін спісы замежных журналістаў і палітычных зняволеных, каб яны таксама ўдзельнічалі ў вырашэнні гэтых пытанняў.
Прэзідэнт Украіны прызнаў, што праца з расіянамі падчас абмену палоннымі вельмі складаная і часта несправядлівая. Але Украіна ўсё адно імкнецца да дасягнення мадэлі «ўсіх на ўсіх», каб вярнуць усіх сваіх палонных — магчыма, ужо пасля спынення агню.
Ён таксама згадаў, што падчас нядаўніх перамоваў у Стамбуле была дасягнутая дамоўленасць аб абмене палоннымі ў фармаце «1000 на 1000», і ў межах гэтай дамоўленасці ўжо вярнуліся 880 вайскоўцаў і 120 цывільных украінцаў.
У расійскай няволі знаходзяцца цяпер як мінімум двое беларускіх добраахвотнікаў, якія ваявалі ў складзе Палка Каліноўскага. Гэта Сяргей Дзёгцеў і Ян Дзюрбейка, якія трапілі ў палон 26 чэрвеня 2022 года.
Украіна паведаміла пра гібель у Расіі больш за 200 ваеннапалонных
Украіна перадала Расіі яшчэ аднаго палоннага беларуса
Украіна ў межах абмену з Расіяй перадала яшчэ аднаго палоннага беларуса. Раней пра яго палон не паведамлялася
Суд у «ДНР» завочна прысудзіў беларускага добраахвотніка Яна Дзюрбейку да 14 гадоў калоніі
Украінскага пасла спыталі пра палонных каліноўцаў
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары
І які тут можа быць уплыў на адносіны з Беларуссю? Або і гэтыя факты дрэнныя для прапаганды?
Бедныя беларускія хлопцы, нават на вызваленне праз абмен апошнія ў чарзе...