Рэжым працы пунктаў пропуску «Мольдзевічы» і «Лынтупы» зменіцца з 11 студзеня
Рэжым працы пунктаў спрошчанага пропуску «Мольдзевічы» і «Лынтупы» зменіцца з 11 студзеня, паведамілі ў прэс-цэнтры Дзяржпагранкамітэта Беларусі.
«Пункт спрошчанага пропуску «Мольдзевічы» цяпер будзе працаваць з 9.00 да 20.00 па панядзелках, аўторках, серадах і чацвяргах. Перасекчы мяжу ў «Лынтупах» будзе магчыма з 9.00 да 20.00 па пятніцах, суботах, нядзелях», — растлумачылі ў памежным ведамстве Беларусі. Рэжым працы паказаны па мінскім часе.
У камітэце нагадалі, што праз гэтыя пункты прапускаюцца грамадзяне, якія пастаянна пражываюць на памежнай тэрыторыі. Пры сабе неабходна мець пашпарт з візай сумежнай дзяржавы. Дадатковую інфармацыю можна атрымаць у Смаргонскай пагранічнай групе па тэлефоне 8-01592-93301 кругласутачна або 8-01592-30080 ў працоўны час.
Каментары