За апошнія дні грыбнікі Віцебшчыны выявілі дзясяткі мін і снарадаў часоў вайны
За апошнія дні сапёрам двойчы прыйшлося выязджаць у лясы Віцебскай вобласці - грыбнікі выявілі 60 артылерыйскіх снарадаў і 25 мінамётных мін, а таксама іншыя боепрыпасы, пішуць Народныя навіны Віцебска.
У Полацкім рэгіёне грыбнік наткнуўся на артылерыйскі снарад і паведаміў аб небяспечнай знаходцы ў міліцыю. Калі на месца прыехалі сапёры, то яны знайшлі 19 снарадаў калібру 45 міліметраў, 17 снарадаў калібру 88 міліметраў, 9 снарадаў калібра 105 міліметраў, 2 снарады калібру 152 міліметраў, 15 мінамётных мін калібру 81 міліметраў, мінамётную міну калібру 120 міліметраў, 39 артылерыйскіх узрывальнікаў.
Таксама на абясшкоджванне выбухованебяспечных прадметаў выязджалі сапёры ў лясны масіў каля вёскі Любава Віцебскага раёна. Там з зямлі яны дасталі 9 мінамётных мін, 13 артылерыйскіх снарадаў, 5 гранат «Ф-1», 4 гранаты «РГ-42» і 74 капсулі-дэтанатары.
Усе боепрыпасы адносяцца да перыяду Другой сусветнай вайны.
Цяпер чытаюць
Новы Нюрнберг. Еўропа стварае Спецтрыбунал па вайне ва Украіне — ці змогуць асудзіць Лукашэнку?4
Каментары