У Сыктыўкары 20-гадовы прызыўнік ускрыў сабе вены на вачах супрацоўнікаў ваенкамата, піша тэлеграм-канал «7*7». У Міністэрстве аховы здароўя ягоны ўчынак назвалі «шантажом».
Фота ілюстрацыйнае
Міністэрства аховы здароўя Рэспублікі Комі пацвердзіла тое, што адбылося, аднак, на іх думку, хлопец спрабаваў ускрыць вены лязом дзеля «шантажу». У чым канкрэтна заключаўся шантаж — не растлумачылі. Цяпер прызыўнік знаходзіцца ў псіхіятрычным шпіталі ў здавальняючым стане. Відавочцы паведамляюць, што ён страціў шмат крыві.
Хлопец прыйшоў па позве восеньскага прызыву разам з маці.
Каментары