Авіяперавозчык Ryanair абвясціў вялікі распродаж, які працягнецца да 31 студзеня і распаўсюджваецца на палёты з 1 красавіка па 30 чэрвеня. У акцыі бяруць удзел у тым ліку напрамкі з Польшчы і Літвы. Напрыклад, з Коўна ў Лондан можна злятаць за 29 еўра, у Капенгаген — за 16.
Нямала квіткоў з прывабнымі цэнамі і з літоўскай сталіцы. Танней за ўсё паляцець з Вільні ў польскі Гданьск (15 еўра), у дацкі Білунд (16 еўра) і нарвежскі Осла (19 еўра).
Ад 25 да 30 еўра каштуюць квіткі ў Мілан, Лондан, Нюрнберг, Берлін, Вену, Брэмен, Дублін (у адзін бок). Самыя дарагія квіткі з Вільні — у Варну (53 еўра) і Афіны (61 еўра). Таксама квіткі актуальныя для вылету з Коўна і Палангі, але там колькасць накірункаў меншая.
З Польшчы лаўкостам можна адправіцца ў больш краін і з большай колькасці гарадоў. З Варшавы выгадней за ўсё ляцець у Брусель, швецкі Гётэрбер, Осла (17 еўра), а таксама ў Рыгу і Стакгольм (19 еўра), Ліверпуль і Лондан (21 еўра).
З Гданьска больш прапаноў па 17 еўра: у Білунд, Гётэрбер, Гамбург, Капенгаген, Лондан, Осла і Вільню. На адзін еўра даражэй абыдзецца квіток у Стокгольм.
Таксама танныя квіткі чакаюць жыхароў іншых польскіх гарадоў: Катавіцэ, Кракава, Познані, Уроцлава і іншых.
Дзеля цікавасці мы параўналі цэны на падакцыйныя квіткі ад Ryanair са звычайнымі ад іншага папулярнага лаўкоста — WizzAir. Аказалася, што часам аднолькава выгадна купіць білеты без распродажу.
Напрыклад, з Коўна ў Лондан Ryanair распрадае квіткі ад 16 еўра, а ў WizzAir можна знайсці квіток на май усяго на 4 еўра даражэйшы — і гэта без акцый. Але з Вільні ў той жа Осла квіткі на гэты перыяд ад WizzAir каштуюць сама меней па 70 еўра (а ў Ryanair — ад 19 еўра).
Цяпер чытаюць
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары