Усяго патроху33

Былы вядучы АНТ схадзіў у масоўку польскага «Хто хоча стаць мільянерам» і распавёў пра ганарар

Артэміс Ахпаш, які ў 2020 годзе сышоў з дзяржаўнага тэлебачання ў знак пратэсту, цяпер жыве і працуе ў Еўрасаюзе.

Артэміс Ахпаш. Тут і далей скрыншоты яго інстаграма

Былы вядучы АНТ Артэміс Ахпаш распавёў у інстаграме, што вырашыў «згадаць маладосць» і адправіўся на здымкі польскага шоу «Хто хоча стаць мільянерам?» — у масоўку. Маўляў, як здымаюць гэтую перадачы ў Расіі, ён ведае, цікава было паглядзець на польскі варыянт.

«Масоўка (статысты) — гэта сапраўдны «клан», — дзеліцца ў сторыс Ахпаш. — Як правіла, шмат хто ведае адно аднаго вельмі добра. Для іх гэта сапраўдная праца, на якую ездзяць ледзь не кожны дзень. Стаўка за цэлы дзень 90 злотых (каля 70 рублёў — НН). Канешне, гэта не вялікія грошы, але гэтыя людзі падыходзяць да працэсу вельмі адказна».

Студыя, як адзначыў Артэміс, у жыцці значна меншая, чым здаецца на экране, а многія яе элементы падклеены скотчам. Ён пажартаваў, што без скотча не праходзіць ніводны івэнт.

Асабліва цікава, адзначыў Ахпаш, назіраць за гульцамі: з боку заўважна, наколькі моцна нервуецца ўдзельнік. А па іх паводзінах можна паспрабаваць прадказаць, як далёка ў інтэлектуальнай гульні пройдуць людзі.

Артэміс як вядучы асабліва захапляўся працай калегі ў кадры і адзначыў яго прафесіяналізм.

Гульню здымаюць амаль без перапынкаў і дубляў. Спыняюцца толькі паміж здымкамі розных гульняў, бо трэба змяніць вобраз вядучага.

Нагадаем: Артэміс Ахпаш сышоў з АНТ у знак пратэсту яшчэ ў чэрвені 2020 года. Тады ж ён праз сацсеткі эмацыйна звярнуўся да калег, якія транслююць хлусню з экранаў.

Зразумела, што пасля таго смелага ўчынку працаваць у Беларусі тэлевядучы не мог. Цяпер ён жыве ў Варшаве, вядзе розныя мерапрыемствы на рускай, польскай і англійскай мовах.

Каментары3

  • Arri
    14.03.2026
    Не скотч, а гаферская стужка.
  • Дробязь
    14.03.2026
    Вы былі каля комплексу будынкау́ Польскага ТБ ?
    Не ? 😂
    Абавязкова трэба бачыць гэтае ,,хараство,, 🙈
    Староцьце , выбітыя тратуары , сьмецьце , бычкі пау́сюль .
    І гэта зь вялікім буджэтам !
  • Фу
    14.03.2026
    Мой коммент про перебежчиков с БТ почему-то зарубили

    [Зрэдагавана]

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць