У мінулую пятніцу кар. «НН», праходзячы па вул. Чырвонаармейскай у Менску, нямала зьдзівіўся — па накірунку ад прэзыдэнцкага гаражу ехалі два БТРы.
Нямала зьдзівіўся такому і кіраўнік прэс-службы прэзыдэнта Мікалай Лёгкі, у якога мы запыталіся, што могуць рабіць БТРы ў мірны час у цэнтры гораду: «Я не магу пацьвердзіць гэты факт, сам ня бачыў і ня схільны такім плёткам давяраць». Сп.Лёгкі іранізуе: «Вы шукаеце чорную котку ў цёмным пакоі, якой, да таго, у ім няма. Калі б мне сказалі, што ў палескіх балотах упаў тунгускі мэтэарыт, я б такой чутцы ня даў веры. Тое самае і тут. БТРаў у прэзыдэнцкім гаражы дакладна няма, значыць, і выяжджаць адтуль яны не маглі».
Выходзіць, што кар. «НН» злавіў галюцынацыю...
Каментары