28 лістапада пайшоў з жыцця Алег Сурскі, вядомы беларускі мастацтвазнаўца, майстар
Ён стаяў ля вытокаў школы беларускай мастацкай крытыкі, адзін з першых у Беларусі займаўся пытаннямі тэхнічнай эстэтыкі, публікаваўся ў буйных савецкіх і замежных выданнях. Яго манаграфіі і публікацыі былі прысвечаныя вядомым беларускім мастакам: Барысу Забораву, Васілю Сумараву, Маю Данцыгу, Віктару Грамыку, Віталю Цвірку, Георгію Паплаўскаму, Абраму Кролю і інш. Як дызайнер ствараў унікальныя аб’
Яго творчае крэда сфармавалася ў эпоху «адлігі», эпоху ломкі стэрэатыпаў і ідэалагічных табу. Алег Сурскі быў сярод дзеячаў культуры, якія адстойвалі ўсё новае і жывое ў барацьбе з ілжывымі ідэаламі мінулага. Выдатны і ясны розум, шырокая адукаванасць, удалае спалучэнне крытыка і мастака ў адной асобе, заўсёдная добразычлівасць, выключная асабістая абаяльнасць зрабілі яго прыкметнай фігурай у беларускай мастацкай культуры.
Алег Сурскі нарадзіўся 16 красавіка 1928 г. у Тбілісі (Грузія). Вучыўся ў Тбіліскім авіяцыйным тэхнікуме, у 1952 г. скончыў Беларускі дзяржаўны ўніверсітэт. Удзельнік выставаў з 1947 г. Сябра Саюза журналістаў СССР, Саюза мастакоў СССР, Міжнароднай асацыяцыі крытыкаў мастацтва пры ЮНЕСКА, Асацыяцыі мастацтвазнаўцаў СНД, Беларускага саюза дызайнераў.
Развітанне з Алегам Сурскім адбудзецца 30 лістапада з 11.00 да 13.00 па адрасе: вул. Я. Коласа, 29а (Беларускі саюз мастакоў).
Цяпер чытаюць
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе10
Каментары