З афіцыйнага сайта Міністэрства энергетыкі Расіі выдалена абвяржэнне заявы Аляксандра Лукашэнкі пра дасягненне дамоўленасці па аб’ёмах пастаўкі ў Беларусь расійскай нафты.
Абвяржэнне знікла вечарам 21 снежня, праз некалькі гадзін пасля таго, як было апублікавана. Атрымаць растлумачэнні ў Мінэнерга РФ пакуль не ўдалося ў сувязі з выхадным днём.
У пятніцу на сустрэчы са студэнтамі і выкладчыкамі Беларускага дзяржаўнага ўніверсітэта інфарматыкі і радыёэлектронікі Аляксандр Лукашэнка паведаміў, што Беларусь і Расія дамовіліся пра пастаўкі нафты ў 2013 годзе ў аб’ёме 23 млн. тон.«Мы з Расіяй праводзілі перамовы. Яны вось 18,5 млн. тон прапанавалі, мы хацелі 23 млн. тон. Мы з расіянамі, праўда, дамовіліся на пастаўку 23 млн. тон нафты», — сказаў ён.
«Інфармацыя пра дасягненне дамоўленасці аб пастаўках 23 млн. тон расійскай нафты ў Рэспубліку Беларусь у 2013 годзе не адпавядае рэчаіснасці. На сённяшні дзень пагадненне пра аб’ёмы паставак у Рэспубліку Беларусь расійскай нафты ў 2013 годзе не падпісана», — гаварылася ў паведамленні ведамства.Гэтыя словы неўзабаве абвергла Мінэнерга РФ.
- Раней расійскі бок заяўляў, што аб’ёмы паставак абмяркоўваюцца ва ўвязцы з вырашэннем праблемы экспарту беларускім бокам растваральнікаў. У Маскве выказвалі занепакоенасць тым, што Беларусь магла экспартаваць нафтапрадукты пад выглядам растваральнікаў і разбавіцеляў, каб пазбегнуць выплаты экспартных пошлін у бюджэт РФ. Лукашэнка, са свайго боку, заяўляў, што пытанне экспарту растваральнікаў не перашкаджае падпісанню нафтавага балансу з РФ на 2013 год.
- 11 снежня беларускі кіраўнік заявіў, што разлічвае падпісаць баланс на пастаўку нафты ў найбліжэйшыя тыдні. «Думаю, што мы дамовімся пра 23 млн. тон, — сказаў ён. — Ёсць адзіная праблема, тэхнічная: ці змогуць такі аб’ём паставіць па трубе? Прыкладна 22 млн. тон змогуць, а 1 млн. тон мы гатовы паставіць чыгуначным транспартам». Беларусь, падкрэсліў Лукашэнка, настойвае на пастаўцы менавіта 23 млн. тон — такі аб’ём неабходны для беларускіх прадпрыемстваў, якія дзякуючы мадэрнізацыі здольныя перапрацоўваць вялікія аб’ёмы нафты.
- Расія, паводле яго слоў, згодная на пастаўку 23 млн. тон нафты на ўмовах узаемнай пастаўкі Беларуссю высокаактанавага бензіну. Такія ўмовы прымальныя для Беларусі, сказаў кіраўнік дзяржавы. І дадаў: «Хоць гэта супярэчыць духу Адзінай эканамічнай прасторы і саюза, які мы будуем, — тут павінна быць свабода перамяшчэння тавараў». Умовы пастаўкі нафты абмяркоўваліся 19 снежня на сустрэчы Аляксандра Лукашэнкі з Уладзімірам Пуціным, паведаміла
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары