Масква рэзка адрэагавала на рашэнне суда ЗША, які абавязаў расійскія ўлады выплачваць буйны штраф за адмову вярнуць амерыканскай рэлігійнай абшчыне калекцыю Шнеерсона.
У расійскім МЗС заявілі, што абураныя рашэннем суда і лічаць яго юрыдычна нікчэмным.Суд Вашынгтона пайшоў на беспрэцэдэнтны і магчымы самымі сур'ёзнымі наступствамі крок -- увядзенне штрафных санкцый супраць суверэннай дзяржавы. Мы будзем вымушаныя жорстка адказаць у выпадку арышту расійскай дзяржмаёмасці, гаворыцца ў паведамленні дэпартамента інфармацыі і друку МЗС.
Суд акругі Калумбія ўчора абавязаў урад Расіі выплачваць па 50 тысяч даляраў кожны дзень да таго часу, пакуль каля дзясяткі тысяч рэдкіх дакументаў і кніг з калекцыі рабіна Ёсэфа Шнеерсона Масква не верне амерыканскім хасідам.
Частку калекцыі бальшавікі нацыяналізавалі пасля рэвалюцыі, іншая, вывезеная Шнеерсонам з Савецкага Саюза, вярнулася назад у Расію пасля Другой Сусветнай вайны. Іудзейскі рэлігійны рух Хабад Любавіч у ЗША з канца 80-х гадоў патрабуе вярнуць ім святыя для іх дакументы. Суд у ЗША пастанавіў пачаць працэс вяртання яшчэ паўтара гады таму.
Пакуль калекцыя ў бібліятэчным фондзе Расіі.Між тым адвакат руху заявіў, што яго прадстаўнікі будуць усімі законнымі спосабамі дамагацца, каб Расія выканала рашэнне федэральнага суда ЗША аб выплаце штрафу. Аж да арышту расійскай уласнасці ў Штатах, піша газета Уол-стрыт Джорнал.
Па некаторых дадзеных першы прэзідэнт Расіі Барыс Ельцын у свой час абяцаў уладам ЗША вярнуць хасідам святыя для іх дакументы.
Каментары