Сярэдні заробак у Беларусі бруднымі склаў $1067, у Мінску — $1470, але гэтай анамаліі ёсць тлумачэнне
Сярэдні заробак у Беларусі бруднымі склаў 3112,7 рубля, паведаміў Белстат.
Калі ж браць чыстымі, то гэта будзе 2677 рублёў.
У пераліку на сярэдні курс даляра за снежань, які быў вельмі нізкі, то гэта будзе 918 даляраў чыстымі і 1067 даляраў бруднымі.
У Мінску сярэдні заробак бруднымі склаў 4290,9 рубля бруднымі і 3690 рублёў чыстымі. Гэта 1471 даляр бруднымі і $1265 чыстымі
За снежань заробак заўсёды вышэйшы за кошт традыцыйных выплат у канцы года. У студзені ён вернецца да звыклых паказчыкаў.
Тыдзень таму была названая сума медыяннага заробку ў Беларусі, які называецца два разы на год: за май і лістапад.
Медыянны заробак у Беларусі ў лістападзе склаў 2081,7 рубля.
Калі ж браць чыстымі, то медыянны заробак будзе складаць 1790,3 рубля.
Калі браць афіцыйны сярэдні курс даляра за лістапад, то гэта будзе 703 даляры бруднымі і 605 даляраў чыстымі.
Медыянны заробак — паказчык, які дзеліць усе заработныя платы на дзве роўныя часткі: палова работнікаў атрымлівае больш за медыяну, а другая палова — менш за гэта значэнне.
Цяпер чытаюць
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі32
Каментары