Дэль П’ера на год працягнуў пагадненне з «Сіднэем» 1

Знакаміты італьянскі футбаліст Алесандра Дэль П’ера працягнуў на адзін год пагадненне з аўстралійскім клубам «Сіднэй».

Італьянец падпісаў кантракт з аўстралійскім клубам 5 верасня. У чацвер было афіцыйна абвешчана, што 38-гадовы футбаліст працягне выступаць за «Сіднэй» у наступным сезоне.

«Я вельмі рады застацца ў „Сіднэі“ яшчэ на адзін год. Я выбраў гэты клуб у пачатку гэтага сезону, бо хацеў паказаць маю любоў да футбола ў іншай краіне, і я атрымаў асалоду ад гэтага выкліку і майго часу, праведзенага ў „Сіднэі“ і ў Аўстраліі. Я заўсёды казаў, што хачу застацца тут і на наступны сезон, але спачатку мы павінны ўпарта папрацаваць для дасягнення поспеху на полі да канца гэтага чэмпіянату», — сказаў Дэль П’ера.

Дэль П’ера забіў 11 мячоў у 18 матчах за «Сіднэй».

football.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ