Топ‑сьпявачку РБ рыхтуюць да «Дажынак».
Топ‑сьпявачку РБ рыхтуюць да «Дажынак».
У лiтаральным сэнсе ў палях праходзiць значная частка выступленняў Iрыны Дарафеевай, якая са сваiм калектывам накiравалася з пачатку жнiўня ў вялiкi канцэртны тур. Сацыяльны канцэртны тур, якi атрымаў назву «Пад мiрным небам», праходзiць штогод у перыяд уборкi збожжавых. Сёлета ён пралягае праз Гомельскую i Мiнскую вобласцi.
Разам са спявачкай у склад «артыстычнай брыгады» ўваходзяць яе музыканты i артысты «Тэатра песнi Iрыны Дарафеевай». Гэтаксама паўсюль артыстаў суправаджае прадзюсар Юрый Саваш i гукарэжысёр, якому даводзiцца падладжвацца пад самыя неверагодныя ўмовы. А яны сапраўды паходна‑палявыя: днём канцэрты адбываюцца ў аграгарадках, палях i на зернетаках, каб не адцягваць механiзатараў i камбайнераў ад напружанай працы; увечары ж калектыў выступае ў райцэнтрах — пераважна на адкрытых канцэртных пляцоўках, стадыёнах i плошчах. Большая частка канцэртаў — безганарарная, выключна на энтузiязме i творчым iмпэце.
У праграме «Пад мiрным небам» ёсць шэраг кампазiцый, якiя кожны раз выконваюцца абавязкова: «Белая Русь» Iзмаiла Капланава, «Беларусь моцная» Сяргея Сухамлiна, «Сэрца зямлi маёй» i iншыя новыя песнi Кiма Брэйтбурга.
Канцэртны тур стартаваў 1 жнiўня з Калiнкавiцкага раёна, далей спявачка i яе калектыў накiравалiся ў Ельск. Сёння Iрына Дарафеева выступае ў Баранавiчах, дзе ўдзельнiчае ў святкаваннi Дня чыгуначнiка. Вядомы i расклад тура на блiжэйшы час: 4 жнiўня артысты далі канцэрты ў Лельчыцах i вёсцы Глушкевiчы, 5 жнiўня выступілі на пляцоўках у Светлагорску i вёсцы Печышчы, 6 жнiўня — у Добрушы i вёсцы Насовiчы. Сама Iрына Дарафеева адзначае, што ёй заўжды прыемна нават проста праязджаць праз Добруш, бо з тутэйшых мясцiнаў родам матуля артысткi.
Фiнiшуе канцэртны тур, як плануецца, на рэспублiканскiм свяце «Дажынкi‑2007».
Цяпер чытаюць
«Я думаў, мяне не можа нічога здзівіць». На фудкорце ў мінскім ГЦ зрабілі платныя сталы3
Каментары