Каля $10 000 у палітыка канфіскавалі яшчэ 19 снежня 2010.
У пятніцу 29 сакавіка Анатоля Лябедзьку запрасілі ў КДБ. Каб атрымаць канфіскаваныя ў снежні 2010 года грошы — каля $10 000. Дагэтуль палітык беспаспяхова спрабаваў вярнуць іх і нават падрыхтаваў заяву ў Мінгарвыканам на пікетаванне будынка КДБ. Увесь гэты час ягоныя заявы цыркулявалі паміж Следчым камітэтам і Камітэтам дзяржбяспекі.
«Пры перадачы грошай мяне запэўнілі, што з купюрамі ў мяне не ўзнікне ніякіх праблем. Там сядзелі такія мілавідныя жанчыны, а адзін мужчына спрабаваў здымаць працэс вяртання грошай на відэа. Я патлумачыў, што гэта не кіно і ён сышоў», — расказаў палітык карэспандэнту «НН». На развітанне Лябедзька пажартаваў, ці набеглі за гэты час працэнты з ягонай сумы. Але не атрымаў ні працэнтаў, ні прабачэнняў.
Каментары