«Душыць проста за горла пачуццё несправядлівасці». У Маладзечне аграсядзібу тэрарызуе статак кароў
У Маладзечне статак кароў ноччу тры разы прыйшоў на аграсядзібу «Мара дзяцінства», і яе гаспадыня, Настасся Чарняўская, шукае справядлівасці. Яна расказала ў тыктоку пра сітуацыю, у якой апынулася, піша Kraj.by.
Каровы, якія блукаюць па ўскраінах Маладзечна ўжо некалькі гадоў, ствараюць праблемы мясцовым жыхарам. Фермеры Юрый і Настасся Чарняўскія — адны з пацярпелых. У ноч на 4 лютага ім давялося тры разы адганяць кароў ад сваёй сядзібы.
Настасся расказала, што спачатку адагнала іх за два кіламетры ў бок вёскі Насілава, потым загнала ў двор гаспадарам, але праз 40 хвілін каровы зноў вярнуліся. Трэці раз яны прыйшлі каля другой гадзіны ночы. Жанчына выклікала міліцыю, якая аформіла заяву, але далейшага выніку пакуль няма.
Гаспадыня адзначае, што адчувае несправядлівасць, якая проста душыць за горла: яна і муж разам з дзецьмі ўсё жыццё працуюць на ферме, плацяць падаткі і ўтрымліваюць сваіх жывёл, а некаторыя людзі трымаюць статкі без догляду, корм не нарыхтоўваюць, а каровы ходзяць на свабодным выпасе летам і зімой — гэта іх крыніца даходу. Паводле яе інфармацыі, з лістапада жывёлы харчаваліся ў яме лебедзеўскай сельгасарганізацыі, псуючы сена і шкодзячы мясцовым жыхарам.
Спробы Чарняўскіх абараніць сваю сядзібу былі беспаспяховыя: яны паставілі электрапастуха, але каровы вырвалі яго і разарвалі. Таму Настасся не бачыць выхаду з сітуацыі сваімі сіламі і здзіўляецца, чаму ўлады не прымусяць гаспадароў сачыць за сваімі жывёламі.
Райвыканкам абяцаў разгледзець пытанне і паведаміць як Чарняўскай, так і грамадскасці пра прынятыя меры.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу5
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары
Клоуны.