У злітых файлах Эпштэйна ўсплыла яшчэ адна беларуска-мадэль — расказваем, што пра яе вядома
Акрамя каханкі памерлага амерыканскага фінансіста Джэфры Эпштэйна Карыны Шуляк і яе бацькоў, у злітых дакументах фігуруе яшчэ адна беларуска — 28‑гадовая Вікторыя Семянчук (Чабатарэнка па мужу). Хто яна такая?
З інфармацыі, якой з «Нашай Нівай» падзяліліся ў арганізацыі Belpol, Вікторыя нарадзілася ў Гродне, скончыла Гродзенскі дзяржаўны ўніверсітэт імя Янкі Купалы.
Звесткі пра яе афіцыйнае месца працы пасля выпуску з універсітэта адсутнічаюць, але, мяркуючы з сацсетак дзяўчыны, з 2015 года яна актыўна здымаецца як мадэль. Сярод іншага, яна была тварам некаторых калекцый Mark Formelle і працавала паводле кантракту ў Тайландзе.
Сёння дзяўчына носіць іншае прозвішча — былога мужа Яўгена Чабатарэнкі, з якім Вікторыя развялася. Ён экс-футбаліст. Нарадзіўся ў Беларусі, але з цягам часу атрымаў расійскае грамадзянства. Сярод іншага, гуляў за «Нёман» і «Крумкачоў». Пасля заканчэння футбольнай кар’еры Яўген займаецца нерухомасцю ў Санкт-Пецярбургу.
На жаль, ні ад яго, ні ад Вікторыі нам не ўдалося атрымаць каментароў наконт таго, як дакументы дзяўчыны маглі апынуцца сярод файлаў Эпштэйна.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары