Падазраваны ў здзяйсненні тэракту падчас Бостанскага марафону Джахар Царнаеў апрытомнеў. Цяпер яго дапытваюць следчыя.
Царнаеў адказвае на пытанні пісьмова. Ён не можа гаварыць, бо сур’ёзна паранены ў шыю, паведамляе тэлеканал ABC са спасылкай на праваахоўныя органы. Следчыя распытваюць 19-гадовага хлопца пра верагодных саўдзельнікаў, а таксама пра іншыя бомбы, якія не выбухнулі.
Акрамя таго, следчых цікавіць падрабязнасці вырабу выбуховых прыладаў, якія былі знойдзеныя ў доме Царнаева.
Паліцыя ўпэўнена, што арганізатарамі і выканаўцамі гэтых выбухаў (загінулі тры чалавекі, у тым ліку васьмігадовы хлопчык, больш за 180 былі параненыя) былі браты Царнаевы — Тамерлан і Джахар. Тамерлан памёр ад ран у пятніцу 19 красавіка.
Джахара ўдалося затрымаць. Ён быў паранены ў шыю і нагу.
Каментары