30 чэрвеня 2013 года пасольства Францыі ў Беларусі спыняе выдачу віз у Іспанію. У сувязі з гэтым з 30 мая пасольства адмяняе рэгістрацыю на падачу дакументаў для паездак у Іспанію.
Як вынікае з паведамлення, размешчанага на сайце французскай дыпмісіі ў Мінску, гэта робіцца ў сувязі са спыненнем дзеяння пагаднення па дэлегіраванні правоў пасольству Францыі ў Рэспубліцы Беларусь на выдачу віз у Іспанію. Паведамляецца таксама, што найбліжэйшым часам у Мінску адкрыецца Іспанскі візавы цэнтр, працу якога будзе каардынаваць пасольства Іспаніі ў Маскве. Цэнтр адкрыецца па адрасе: вул. Інтэрнацыянальная, 11.
Каментары