Здарэнні1616

81-гадовы пенсіянер застрэліў рабаўніка, другі нападнік уцякаў 18 км

Пенсіянер штоноч кладзецца спаць са зброяй пасля забойства дзвюх аднавясковак, што здарылася некалькі год таму.

У Слонімскім раёне 81-гадовы пенсіянер застрэліў рабаўніка з паляўнічай стрэльбы, паведамляе БЕЛТА са спасылкай на афіцыйнага прадстаўніка ўпраўлення Следчага камітэта па Гродзенскай вобласці Сяргея Шаршаневіча.

Ноччу 3 чэрвеня два раней судзімыя за кватэрныя крадзяжы і рабаванні жыхары Слоніма вырашылі абрабаваць мужа і жонку — пенсіянераў з адной з вёсак раёна. Уначы яны разбілі шкло, адзін з рабаўнікоў пракраўся ў пакой, дзе спала пенсіянерка, і стаў кідаць жанчыну на падлогу, патрабуючы грошай.

Крык пачуў гаспадар дома. З паляўнічай стрэльбай ён кінуўся ў пакой і стрэліў у рабаўніка, параніўшы яго ў сцягно, а пасля ў спіну. Зламыснік загінуў. Другому рабаўніку, які не паспеў залезці ў дом, удалося збегчы.

Пенсіянер неадкладна выклікаў міліцыю і “хуткую” дапамогу. Ён таксама паведаміў праваахоўнікам, што некалькі гадоў таму ў іх вёсцы злачынцы зарэзалі дзвюх пенсіянерак, патрабуючы аддаць іх зберажэнні. З тых часоў у мэтах самаабароны ён набыў звычку класціся спаць са сваёй паляўнічай стрэльбай, зарэгістраванай ва ўстаноўленым парадку.

Пасля агляду месца здарэння, правядзення іншых следчых і аператыўна-вышуковых мерапрыемстваў быў устаноўлены і затрыманы ў сваёй кватэры другі рабаўнік. Аказалася, ён бег без аглядкі амаль 18 км.

Следчы камітэт пачаў крымінальную справу па факце замаху на рабаванне, злучаны з гвалтам, учынены паўторна групай асоб з пранікненнем у жытло. Вырашаецца пытанне абрання меры стрымання ў выглядзе заключэння пад варту абвінавачанага. Будзе таксама дадзена прававая ацэнка дзеянням пацярпелага, які прымяніў для абароны паляўнічую стрэльбу. У выпадку прызнання ў яго дзеяннях неабходнай абароны ён не панясе пакарання.

Каментары16

 
Націсканне кнопкі «Дадаць каментар» азначае згоду з рэкамендацыямі па абмеркаванні.

«На роздум далі паўгадзіны». Настаўніцы з Полацка давялося звольніцца з-за тыкток-блога2

«На роздум далі паўгадзіны». Настаўніцы з Полацка давялося звольніцца з-за тыкток-блога

Усе навіны →
Усе навіны

«Мне ўжо кепска». Беларус паказаў нашэсце кляшчоў у раёне1

Анархісту Мікіту Емяльянаву, асуджанаму на 6 гадоў калоніі, дадалі яшчэ адзін год

Парламент Арменіі ўхваліў законапраект аб пачатку працэсу далучэння краіны да ЕС2

Трамп: Расія марудзіць з мірным урэгуляваннем2

Аляксандр Лукашэнка-малодшы засвяціўся ў рыбным бізнэсе9

Шматпакутны гадзіннік Франака Вячоркі знайшоў уладальніка9

«Наганяе адчуванне смерці і безвыходнасці, хочацца найхутчэй пакінуць». Беларускі запісалі дзіўны дыялог турыста ў Белавежскай пушчы15

Загінула ваенная карэспандэнтка расійскага Першага канала Ганна Пракоф'ева23

Суд у ЗША ўвёў часовую забарону на спыненне фінансавання Радыё Свабода

больш чытаных навін
больш лайканых навін

«На роздум далі паўгадзіны». Настаўніцы з Полацка давялося звольніцца з-за тыкток-блога2

«На роздум далі паўгадзіны». Настаўніцы з Полацка давялося звольніцца з-за тыкток-блога

Галоўнае
Усе навіны →

Заўвага:

 

 

 

 

Закрыць Паведаміць