Маскоўскае метро будзе будавацца азербайджанскімі і беларускімі кампаніямі, паведамляюць «Ведамасці». Гэтай вясной Масква стварыла некалькі СП з замежнымі кампаніямі для гэтай мэты.
У красавіку — маі «Масінжпраект», які належыць на 100% ураду Масквы, стварыў два сумесныя прадпрыемствы — «Мінскметрабуд» і «Еўразбуд». 49% доля ў ТАА «СП «Мінскметрабуд» належыць ТАА «Мінскбудэкспарт», а ў ТАА «СП «Еўразбуд» — еўраазіяцкай будаўнічай карпарацыі Evrascon, зарэгістраванай у Азербайджане. «Фактычна мы мабілізавалі метрабудаўнікоў з усёй тэрыторыі СНД і ствараем сумесныя прадпрыемствы з імі», — пацвердзіў газеце в. а. намесніка мэра Марат Хуснулін.
Маскоўскія ўлады абяцаюць у 1,5 разу павялічыць працягласць метро да 2021 года.
Каментары