Начальства Магілёўскай калоніі №15 зняла забарону на прадуктовыя перадачы для Арцёма Пракапенкі.
Пра гэта паведаміў яго бацька Анатоль Пракапенка.
«Мы цяпер вяртаемся з Магілёва. Нам удалося перадаць Арцёму 35 кілаграмаў прадуктаў, з якіх пяць кілаграмаў садавіны. Мы вельмі радыя, што нам удалося зрабіць перадачу, таму што перажывалі, што яго маглі зноў іх пазбавіць, як гэта было 4 сакавіка», — сказаў бацька палітычнага вязня.
Ён дадаў, што статус «злоснага парушальніка» з Арцёма пакуль што не зняты, і для гэтага трэба адседзець год без парушэнняў.
«Сына мы не бачылі, але ведаем, што ён трымаецца. Я адчуваю, што яму цяжка, але ён не падае выгляду. Нядаўна ён тэлефанаваў і сказаў, што падаў заяву на навучанне прафесіі муляра, але рашэння пакуль што няма. Ён хоча атрымаць спецыяльнасць, бо сядзець яшчэ 4,5 года», — адзначыў Анатоль Пракапенка.
Нагадаем, у сакавіку гэтага года Арцём Пракапенка нібыта за парушэнне рэжыму адбыў пяць сутак у карцары, дзе адмаўляўся ад ежы. На палітвязня ціснулі, каб ён падпісаў прашэнне аб памілаванні, але ён адмовіўся.
Арцём Пракапенка быў асуджаны разам з Яўгенам Васьковічам і Паўлам Сырамалотавым на 7 гадоў зняволення нібыта за спробу падпалу дзвярэй Бабруйскага аддзела КДБ.
-
Аргенцінец закахаўся ў беларуску і пераехаў на хутар пад Маладзечнам
-
Беларус спазніўся на самалёт з Дубая і просіць кампенсацыю. Тураператар кажа, што ён сам вінаваты
-
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»26
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары