Барысаўскія школы абавязалі адправіць на таварыскі матч Беларусь — Кыргызстан, што прайшоў 6 верасня і скончыўся перамогай беларусаў 3:1, не менш за сто чалавек, пра гэта карэспандэнту Goals.by паведаміў настаўнік адной са школ.
— На кожную школу прыйшла разнарадка — прадаставіць на матч не менш за сто чалавек. Што рабіць? Прыйшлося выконваць, бо прэміі пазбаўляцца не хочацца, — расказвае настаўніца.
Настаўнік іншай школы адзначае, што хлопцы прыйшлі на футбол паводле ўласнага жадання.
— Наведванне гэтай гульні — мерапрыемства, запланаванае вашай школай?
— Кіраўніцтва аддзела адукацыі прапанавала школам прывесці хлопцаў на матч. Мы пайшлі ім на сустрэчу. Хлопцаў ніхто не прымушаў сюды ісці. Але ўсім школьнікам тут падабаецца.
— Месцы на сектарах спецыяльна адведзены для пэўных школ?
— Вядома, каб не было панікі і вэрхале, гарадскі аддзел адукацыі ўсё прадугледзеў. Кожнай школе адведзены пэўныя месцы. Сістэма павінна прысутнічаць. Вядома ж, з групай абавязаны знаходзіцца настаўнік. Ці мала што? — зазначыла настаўніца.
Каментары