Там з-за атакі беспілотніка пачаўся пажар на складзе боепрыпасаў. Улады абвясцілі эвакуацыю некалькіх вёсак.
Дрон быў «знойдзены і падаўлены» ў Астрагожскім раёне раніцай, паведаміў губернатар Варонежскай вобласці Аляксандр Гусеў.
З-за падзення беспілотніка «ўзнік пажар, які перайшоў на выбухованебяспечныя прадметы, — пачалася дэтанацыя». Пацярпелых няма.
Першапачаткова Гусеў паведаміў аб эвакуацыі ў суседні населены пункт жыхароў аднаго сяла. Праз паўгадзіны губернатар напісаў, што эвакуяваць будуць ужо некалькі вёсак. Якія менавіта, ён не ўдакладніў.
Маніторынгавыя тэлеграм-каналы пішуць, што дрон трапіў у склад боепрыпасаў, і публікуюць відэа, на якіх выразна чутныя выбухі. Мясцовыя жыхары паведамлялі, што дэтанацыя працягваецца некалькі гадзін.
Цяпер чытаюць
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары