Знізіць стаўку рэфінансавання ў 2013 годзе да запланаваных 13–15% наўрад ці ўдасца. Пра гэта заявіла старшыня праўлення Нацыянальнага банка Беларусі Надзея Ермакова падчас анлайн-канферэнцыі і прамой тэлефоннай лініі ў БелТА.
«З высокай доляй верагоднасці можна казаць, што Нацыянальнаму банку прыйдзецца падтрымліваць больш высокі ўзровень стаўкі рэфінансавання, чым гэта планавалася ў адпаведнасці з Асноўнымі напрамкамі грашова-крэдытнай палітыкі на 2013 год», — адзначыла кіраўнік Нацбанка, закранаючы прагноз на канец года.
У пачатку верасня аднавіўся ператок рублёвых укладаў у валютныя дэпазіты, які назіраўся ў чэрвені-ліпені.
Гэта запатрабавала дадатковых мер з боку Нацыянальнага банка, у тым ліку па далейшым павышэнні даходнасці рублёвых дэпазітаў.
Апошні раз Нацбанк зніжаў стаўку рэфінансавання 10 чэрвеня — на 1,5 працэнтнага пункта да 23,5%.
Цяпер чытаюць
65‑гадовага гамельчука асудзілі за спробу дыверсіі на чыгунцы і здраду дзяржаве. Што вядома?1
Каментары