Некалькі дзясяткаў чалавек, сярод якіх бацькі з дзецьмі, зладзілі ў чацвер раніцай акцыю пратэсту супраць закрыцця школы № 740, адзінай у Малжанінаўскім раёне Масквы (Расія) і ўварваліся ў будынак управы.
На фотаздымках ў сацыяльных сетках відаць, што дзясяткі школьнікаў розных узростаў з плакатамі «Хачу вучыцца побач з домам» зайшлі ў будынак мясцовай адміністрацыі.
Ва ўправе раёна паведамілі, што в.а.кіраўніка ўправы Аляксандр Нікіцін цяпер «кантактуе з грамадзянамі па гэтым пытанні», аднак адмовіліся сказаць, дзе гэта адбываецца — у будынку управы або ў іншым месцы.
Адзіную школу ў Малжанінава вырашана было закрыць, бо будынак быў прызнаны небяспечным для навучальнага працэсу.
Аднак бацькі школьнікаў сцвярджаюць, што экспертыза, на якую спасылаюцца ўлады, састарэла, а школа проста спадабалася забудоўшчыкам.
Каментары