Прессбол са спасылкай на гендырэктара «Юнацтва» Эдуарда Зотава паведаміў, што новы хакейны комплекс не будзе насіць імя «Чыжоўка-Арэна», а назва будзе прададзена.
Праўда, пазней Еўрарадыё гэтую інфармацыю ў ХК «Юнацтва» абверглі.
«Чыжоўка-арэна» ўзводзіцца на поўдні Мінска ў аднайменным мікрараёне да чэмпіянату свету па хакеі, які мае прайсці ў Мінску з 9 па 25 мая 2014 г. Мяркуецца, што Арэна будзе здадзена ў эксплуатацыю 7 лістапада 2013 г.
Тут пройдуць матчы групы, А (у Чыжоўцы будуць гуляць чэмпіёны свету, зборная Швецыі, а таксама Канада, Чэхія, Славакія, Данія, Нарвегія, Францыя і Італія) і два чвэрцьфіналы.
9 мая турнір на «Чыжоўка-Арэне» пачнецца матчамі Францыя — Канада (16:45) і Славакія — Чэхія (20:45). А суперматч Швецыя — Канада пройдзе 18 мая (16:45). Квіткі на чэмпіянат пачнуць прадавацца з 30 верасня.
На Шры-Ланцы ў 37 гадоў памёр беларускі кінапрадзюсар Андрэй Маталыга4
Каментары