Заводы, гіпермаркеты, запраўкі, рэстараны, жылыя дамы… — усяго і не пералічыш.
Юрый Чыж перадаў дзяржаве свой гатэль у Мірскім замку. Юрый Чыж пабудаваў дамы для вайскоўцаў у Мар'інай Горцы. Юрый Чыж будзе забудоўваць квартал каля Камароўскага рынка.
Навіны пра новыя праекты бізнэсмэна краіны прыходзяць ледзь не кожны дзень.
Ягонае багацце пачыналася з «Трайпла» ў пачатку 1990-х, але за два дзесяцігоддзі сфера інтарэсаў мільянера разраслася ў дзясяткі разоў. Інтэрнэт-газета «Ежедневнік» назвала яго самым уплывовым і паспяховым бізнэсменам краіны.
«Наша Ніва» налічыла ў Беларусі каля 70 аб’ектаў, да якіх мае дачыненне Юрый Чыж. Паўсотні з іх знаходзяцца ў Мінску — заводы, рэстараны, крамы…
Мы нанеслі іх на інтэрактыўную карту. Кожны з аб'ектаў абазначаны сімвалічным значком. Напрыклад, гіпермаркеты — кошыкам, арганізацыі, звязаныя з палівам, — запраўкай, заводы — гаечным ключом.
Якія аб’екты не трапілі на карту?
Па-першае, усе тыя, што знаходзяцца па-за межамі сталіцы.
У Юрыя Чыжа вялікае «прадстаўніцтва» ў Лагойскім раёне (гарналыжны курорт, фармацэўтычная кампанія, катэджны пасёлак, сельскагаспадарчае прадпрыемства), а таксама на Бярозаўшчыне, дзе ён нарадзіўся.
Там сярод ягоных актываў лядовы палац, завод будаўнічых матэрыялаў і нават родная вёска. Там Чыж павінен пабудаваць агратурыстычны комплекс.
У іншых раёнах ён прадстаўлены слаба. У Маларыцкім — будаўнічае прадпрыемства, у Мінскім — аграсядзіба, запраўкі пад Іўем і Жодзіна…
Па-другое,
структура «Трайпла» была змененая пасля ўвядзення санкцый Еўрасаюза, каб мінімізаваць атрыманыя праблемы.
Некаторыя кампаніі фармальна былі выведзеныя з ўласнасці Юрыя Чыжа. Хто іх сапраўдны гаспадар, не заўсёды вядома.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары