Лукашэнка пра дэвальвацыю: Нашы негадзяі, «свядомыя», плявузгаюць языкамі ў СМІ і могуць да яе прывесці
Будучыня рубля залежыць ад паводзін прадпрыемстваў і народа, сказаў ён.
Пытанне дэвальвацыі нацыянальнай валюты сёння не стаіць, — заявіў Аляксандр Лукашэнка ў Жлобіне, адказваючы на пытанні журналістаў.
«Навошта ставіць задачу абясцэніць, дэвальваваць нацыянальную валюту? Напэўна, ніводны кіраўнік такой задачы перад сабой не ставіць. Наадварот, нам трэба ад яе сысці», — сказаў ён.
Лукашэнка нагадаў, што ўжо казаў, што ў краіне не будзе штучна падтрымлівацца беларускі рубель, як і іншыя валюты ў выпадку ўмацавання беларускага рубля. Паводле яго слоў, усё будзе залежаць ад попыту і прапановы.
Ён заўважыў, што гэтая праблема цалкам знаходзіцца ў руках прадпрыемстваў і народа.
«Калі вы будзеце бегаць з раніцы да вечара па абменных пунктах і скупляць валюту, калі суб’екты гаспадарання і банкі будуць спаць і бачыць, што пройдзе дэвальвацыя, нехта на гэтым выйграе, будуць спараджацца чаканні, а нашы негадзяі, "свядомыя", якія "плявузгаюць" языкамі ва ўсіх СМІ, народ будуць падаграваць, а вы будзеце іх слухаць і зноў бегчы ў абменнікі — госпад вам у шлях, значыць, вы самі прывядзеце да таго, што аслабіце нацыянальную валюту», — сказаў ён.
«Будзе вялікі попыт на валюту — будзе абясцэньвацца беларускі рубель, не будзе гэтага попыту — спакойная будзе сітуацыя, спакойна выйдзем з гэтага становішча», — сказаў ён.
Аляксандр Лукашэнка адзначыў, што дзяржава будзе выкарыстоўваць усе інструменты, каб не дапусціць рэзкіх ваганняў курса.
Коля Лукашэнка сыграў на раялі на «Дні народнага адзінства». Яго тата перад гэтым прыгразіў Трэцяй сусветнай вайной27
Каментары