Брытанскага прэм'ера абвінавацілі ў тым, што ён не любіць свайго ката
Журналіст лонданскай газеты The Evening Standard у сваёй кнізе абвінаваціў прэм'ер-міністра Вялікабрытаніі Дэвіда Кэмерана ў нелюбові да свайго ката Лары, які трапіў у рэзідэнцыю на Даўнінг-стрыт з прытулку для жывёл «Баттерс».
Паводле журналіста, кот быў проста інструментам піяру, а на самай справе сям'я прэм'ера яго цярпець не можа.
Згадванне аб Лары ў кнізе Мэцью Д'Анконія «In It Together: The Inside Story of the Coalition Government», прысвечанай непублічнаму жыццю ўрада Вялікабрытаніі, выклікала ў карыстальнікаў інтэрнэту абурэнне абыякавым стаўленнем Кэмерана да ката.
У краіне нават стартавала Twitter-кампанія пад лозунгам «Выратуем Лары» (# SaveLarry).
Аднак на Даўнінг-стрыт паспяшаліся усіх супакоіць.
«Гэта абсалютна не так. Усе ў доме любяць ката і выдатна з ім абыходзяцца», — перадае Orange News словы прадстаўніка рэзідэнцыі.
А сам брытанскі прэм'ер у Twitter заявіў літаральна наступнае: «Мы з ім цалкам цудоўна ладзім. І дзеці яго любяць».
Дарэчы, па дадзеных букмекерскай канторы Ladbrokes Лары ўладкаваўся на Даўнінг-стрыт, 10 яшчэ больш трывала, чым сам Дэвід Кэмеран.
«Папулярнасць прэм'ер-міністра зноў упала, і мы думаем, што кот «перажыве» яго ў рэзідэнцыі», — цытуе BBC прадстаўніка Ladbrokes.
Нагадаем, што ў верасні мінулага года ката Лары звольнілі з пасады мышалова, бо за паўтара года кар'еры злавіў толькі адну мыш, а большую частку часу спаў, дазваляючы грызунам разгульваць па доме на вачах у ўсёй сям'і.
На вакантную пасаду прынялі котку міністра фінансаў, чый офіс знаходзіцца ў суседнім будынку, але Лары вырашыў даказаць сваю баяздольнасць і проста на вуліцы зладзіў такую бойку з суседкай, што разнімаць іх давялося паліцыі.
Цяпер чытаюць
Жанчыны ў ахове і браняваны картэж. Як Украіна арганізавала бяспеку візіту Ціханоўскай у Кіеў4
Каментары