Грамадзянін Жукоўскі прыйшоў на тэлебачаньне, абвінавачваў афіцыйных журналістаў у няпраўдзе і, апроч таго, размаўляў на беларускай мове. Суд вырашыў ізаляваць яго ад грамадзтва.
Такі прыгавор вынесла суддзя Цэнтральнага раённага суда Марына Дамненка. Жукоўскі прызнаны вінаватым у дробным хуліганстве. Сведкамі на працэсе выступілі інжэнер Гомельскай тэлерадыёкампаніі Андрэй Парфёнаў і ахоўнік Андрэй Лапіцкі.
Падчас судовага паседжання Парфёнаў заявіў, што грамадзянін Жукоўскі прыйшоў на тэлебачанне, гучна размаўляў і патрабаваў кнігу скаргаў. Тым самым, на думку Парфёнава, ён перашкаджаў працы абласнога радыё і мантажнай аператарскай. Ахоўнік Лапіцкі пацвердзіў гэтыя паказанні. Як адзначылі сведкі, спадар Жукоўскі ў размове з супрацоўнікамі тэлерадыёкампаніі не брыдкасловіў, а толькі абвінавачваў афіцыйных журналістаў у няпраўдзе і, апроч таго, размаўляў на беларускай мове.
Кастусь Жукоўскі ў адказ паведаміў, што на «Дажынкі» ехаць не збіраецца, таму яго можна адпусціць. Таксама лідэр мясцовай суполкі партыі Беларускай Хрысціянскай дэмакратыі, якая зараз ствараецца ў Беларусі, запатрабаваў ад суддзі, каб яна прадаставіла яму кнігу скаргаў з тэлерадыёкампаніі. Аднак Марына Дамненка адмовіла спадару Жукоўскаму ў гэтай просьбе.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы9
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары