Намеснік прэм'ер-міністра Беларусі Анатоль Тозік 19—25 кастрычніка знаходзіцца з рабочы візітам у Кітайскай Народнай Рэспубліцы, паведаміла прэс-служба беларускага ўрада.
21 кастрычніка Тозік сумесна з намеснікам міністра камерцыі КНР Чжун Шанем правялі ў Пекіне 14-е пасяджэнне беларуска-кітайскай камісіі па гандлёва-эканамічным супрацоўніцтве. Як адзначыла прэс-служба, «удзельнікі пасяджэння абмеркавалі шырокі спектр пытанняў двухбаковага супрацоўніцтва ў сферы гандлю і інвестыцый, ход выканання дамоўленасцяў, дасягнутых падчас візіту дзяржаўнай дэлегацыі Беларусі ў КНР 15—17 ліпеня 2013 года, а таксама праект праграмы («Дарожнай карты») развіцця адносін усебаковага стратэгічнага партнёрства Беларусі і Кітайскай Народнай Рэспублікі на 2014—2020 гады».
У гэты ж дзень адбылося 2-е пасяджэнне міжурадавага каардынацыйнага савета Кітайска-беларускага парку, на якім былі абмеркаваны праблемы і перспектывы будаўніцтва парку. Па выніках пасяджэнняў бакі падпісалі адпаведныя дакументы.
22 кастрычніка Анатоль Тозік правядзе шэраг сустрэч з кіраўніцтвам міністэрстваў КНР, старшынёй народнага ўрада Харбіна Сун Сібіне, кіраўніцтвам Гандлёва-прамысловага банка Кітая і шэрагу найбуйнейшых кампаній, якія рэалізуюць праекты ў Беларусі (CAMCE; CITIC Construction Co., Ltd; Xuan Yuan).
23—24 кастрычніка віцэ-прэм'ер возьме ўдзел у адкрыцці беларускага павільёна на 14- міжнародным кірмашы Заходняга Кітая ў Чэнду, а таксама выступіць на 6-м міжнародным форуме Заходняга Кітая. У гэты ж час запланаваны сустрэчы Тозіка з віцэ-прэм'ерам Дзяржсавета КНР Ван Янам, кіраўніцтвам правінцыі Сычуань, а таксама наведванне новага завода па вытворчасці аўтамабіляў маркі «Вольва», карпарацыі «Джылі» і цэнтра навуковых распрацовак кампаніі Huawei.
Чакаецца, што падчас візіту Тозіка ў Пекін і Чэнду будуць вызначаны новыя сумесныя інвестыцыйныя праекты, перспектыўныя кірункі пашырэння супрацоўніцтва Беларусі і Кітая, заключаны адпаведныя дагаворы і пагадненні.
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ29
Каментары