Гэтым летам з Мінск можна будзе даехаць да Чорнага мора на аўтобусе. Рэйсы ў Анапу, што ў Краснадарскім краі Расіі, запусцяць з чэрвеня, распавялі Office Life прадстаўнікі сэрвісу «Атлас Бас».

Першы выезд запланаваны на 16 чэрвеня. З Мінска аўтобус адправіцца а 06:00 і прыбудзе ў Анапу праз 32 гадзіны. Продаж квіткоў ужо адкрыты. Першы рэйс з Анапы плануюць на 18 чэрвеня.
У далейшым аўтобусы будуць курсаваць увесь сезон з інтэрвалам чатыры дні. Напрыклад, у першы летні месяц выезды з Мінска запланаваныя таксама на 20, 24 і 28 чэрвеня.
Па дарозе аўтобус заязджае на тэрыторыі Беларусі ў Гомель, а на тэрыторыі Расіі — у Арол, Растоў-на-Доне, Краснадар і Новарасійск. Ім таксама можна дабрацца да папулярных чарнаморскіх курортаў — Геленджык і Кабардзіка.
Квіток у адзін бок, як і летась, будзе каштаваць 290 рублёў.
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі
Каментары