Прадпрымальнікі і падаткавікі ў «Ждановічах»: сценка на сценку
На рынку «Ждановічы» працягваецца сутыкненне паміж прадпрымальнікамі і падаткавікамі.
Канфлікт пачаўся 29 лістапада аб 11 гадзіне, калі да аднаго з прадпрымальнікаў, які гандлюе джынсамі насупраць «Дому моды-4», прыйшлі супрацоўнікі падатковай інспэкцыі і пачалі канфіскоўваць тавар, паведамляе радыё «Свабода».
Іншыя прадпрымальнікі, якія гандлююць па суседзтве, зачынілі свае кропкі і накіраваліся бараніць калегу. Неўзабаве да падаткавікоў далучыліся супрацоўнікі міліцыі і АМАП.
«Цяпер яшчэ нічога ня скончылася. Наадварот, усё разгортваецца. Нагналі АМАПу. Супрацьстаяньне працягваецца, стаяць сьцяна на сьцяну. Стаяць прадпрымальнікі і АМАП разам зь міліцыянтамі і супрацоўнікамі падатковай», — павёў радыё «Свабода» прадпрымальнік Вячаслаў Піліпук.
Адзін з супрацоўнікаў падатковай інспэкцыі паказаў прадпрымальнікам пасьведчаньне. «Прозьвішча Дыкола, рэйдавы аддзел, Інспэкцыя па падатках і зборах.
Нічога нам не патлумачылі, не адказалі на пытаньне прадпрымальнікаў, чаму так адбываецца. Можа, там ёсьць нейкія парушэньні, але нічога не патлумачылі. Проста прыехалі канфіскаваць тавар», — кажа Вячаслаў Піліпук.
Вячаслаў Піліпук дапускае, што такія дзеяньні маглі быць вынікам нейкай праверкі, аднак зьдзіўляецца, чаму гэта нельга нармальна патлумачыць.
Цяпер чытаюць
Бабарыка зоймецца бізнэсам — ужо адкрыў кампанію ў Германіі19
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары