У Гродзенскай вобласці за знаходжанне п'яным за рулём машыны пазбавіцца расеец.
Як паведамілі ва ўпраўленні ДАІ УУС Гродзенскага аблвыканкама, вечарам 3 студзеня супрацоўнікамі міліцыі ў горадзе быў затрыманы расеец, кіроўца «Сітраена». У выдыханым паветры аказалася 2,19 праміле алкаголю.
У сакавіку мінулага года гэтага працаўніка аднаго з гродзенскіх прадпрыемстваў ужо затрымлівалі ў п'яным выглядзе ў Мінску.
З моманту ўступлення ў канцы кастрычніка 2013 года ў сілу паправак у заканадаўства, якія ўзмацняюць жорсткасць адказнасці за кіраванне аўтатранспартам у п'яным выглядзе, у Гродзенскай вобласці гэта ўжо 30 выпадак затрымання п'янага кіроўцы паўторна на працягу года пасля накладання мер адміністрацыйнага спагнання.
Вадзіцель « Сітраена», ураджэнец Казахстана, грамадзянін Расіі, які жыве і працуе ў Гродне, выказаў сваё меркаванне пра негуманнасць беларускіх законаў.
Каментары