Экс-кіраўнік МУС Украіны Юрый Луцэнка трапіў у рэанімацыю пасля таго, як падчас сутыкненняў з актывістамі Аўтамайдану яму разбілі галаву байцы «Беркута» ў Кіеве.
Пра гэта распавяла яго жонка, Ірына Луцэнка. Паводле яе словаў, удараў было каля 10.
У Юрыя Луцэнкі тры падскурныя гематомы, закрытая чэрапна-мазгавая траўма. Жонка папрасіла не помсціць за мужа, а «прымаць узважаныя рашэнні».
Па словах відавочцаў, Луцэнка атрымаў удар дубінкай па галаве, калі спрабаваў абараніць Ірыну. Ёй нібыта першай дасталася ад спецназаўцаў пасля таго, як актывісты Аўтамайдану пачалі разгойдваць аўтобус з «Беркутам».
У пятніцу, 10 студзеня, Кіева-Святошынскі райсуд вынес прысуд фігурантам «Васількоўскай справы» — па шэсць гадоў зняволення (актывісты планавалі ўзарваць помнік Леніну ў 2011 г. у горадзе Барыспаль, ім інкрымінавалі абыходжанне з выбухоўкай).
Пасля абвяшчэння прысуду актывісты заблакавалі выезды з двара суда, каб не даць павезці асуджаных. Пад судом адбылася бойка паміж мітынгоўцамі і «Беркутам», падчас якой моцна пацярпела некалькі актывістаў і журналістаў.
Аўтамабілі ўдзельнікаў Аўтамайдану ў знак пратэсту заблакавалі аўтобусы «беркутаўцаў» на праспекце Перамогі. У час супрацьстаяння ўспыхнула бойка, у якой быў збіты Юрый Луцэнка і яшчэ некалькі чалавек.
Цяпер чытаюць
Дзяўчына з-пад Маладзечна некалькі месяцаў жыла ў Гданьску на вуліцы. Яна расказала пра сваё няпростае жыццё2
Дзяўчына з-пад Маладзечна некалькі месяцаў жыла ў Гданьску на вуліцы. Яна расказала пра сваё няпростае жыццё
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары