Прэм'ер-міністр Украіны Мікалай Азараў прыгразіў прымяніць у Кіеве «прадугледжаную заканадаўствам сілу». Пра гэта чыноўнік заявіў вечарам 21 студзеня ў інтэрв'ю тэлеканалу «Расія 24».
Па словах Азарава, ва ўлады «не застанецца ніякага іншага выйсця», калі «правакатары не спыняцца».
У той жа час палітык заявіў, што ўлады Украіны не збіраюцца ўводзіць у сталіцы надзвычайнае становішча і «спадзяюцца на здаровы сэнс». Паводле яго слоў, «неабходна, каб людзі самі пераканаліся ў тым, што ім прапануецца хаос і разбурэнне».
Пра якія менавіта «прадугледжаныя заканадаўствам» меры ідзе гаворка, кіраўнік украінскага ўрада не патлумачыў.
Цяпер чытаюць
Беларуска набіла на целе партрэты Лукашэнкі і яго сыноў, Умкі, Пуціна ды Сі Цзіньпіна18
Каментары