Напярэдадні Дня Святога Валянціна БМАgroup ладзіць у мінскім клубе Re:Public традыцыйны «Закаханы Фэст». Сёлета ў ім возьмуць удзел гурты, якія працуюць у розных жанрах: ад электронікі з ухілам у фолк да блюз-рока.
На фэсце 13-га лютага выступяць:
Rokash – ужо амаль класікі беларускага року, якія спалучаюць у сваім гучанні традыцыйны фолк і рокавыя матывы.
Unia – удзельнікі шматлікіх фэстаў, а таксама ўладальнікі ганаровага прызу за развіццё альтэрнатыўнай музыкі.
Pawa – малады гурт, які змог спалучыць у сваёй творчасці сучасныя электронныя рытмы і музыку Сярэдневечча.
Omut – фолк-металісты з Палесся, якія выкарыстоўваюць у сваёй музыцы нетыповыя для фолк-метала інструменты кшталту баяна.
Лютавер’е – мінскі гурт, удзельнікі якога натхняюцца гісторыяй Русі і Літвы, прызнаны не толькі ў Беларусі, а таксама і за яе межамі.
Rosy – беларускі гурт, які грае блюз-рок. Гурт пачынае сваю гісторыю ў 2001 годзе. Аднак яго цяперашні склад сфарміраваўся ў 2004 годзе. Кошт квіткоў: 70 000 - 90 000 - папярэдне 120 000 - месца за столікам, плюс CD ад БМАgroup ў падарунак!
Усім, хто набудзе квіток папярэдне, у дзень канцэрту кампакт-дыск у падарунак!
Кропкі продажу: ГЦ Купалаўскі, 19 кропка ГЦ Рыга, 18 кропка клуб Re:public пераход Я.Коласа Даведкі: 6490888
Музыка Цім Суладзэ: Розніца 30 гадоў — тое, што адпавядае маім уяўленням пра адносіны41
Каментары