Але праз два тыдні ён ужо вызваліцца.
Яго асудзілі на 5 месяцаў пазбаўлення волі. 13 лютага ён выйдзе на свабоду.
Пра гэта паведаміла Святлана Панамарова, жонка Сяргея. Суд адбыўся 15 студзеня. Таксама з беларуса будуць спаганяць 80 тысяч злотых (каля 25 тысяч даляраў) за нанесеную шкоду. Першапачаткова пазоў складаў 150 тысяч злотых.
«У Польшчы існуе працэдура самапакарання: калі ў абвінавачанага пытаюцца, якога пакарання ён хоча. І Сяргей сказаў, што хоча выйсці на свабоду вясной, бо цяпер яму няма куды ісці», — сказала Святлана.
Сяргей Панамароў папрасіў палітычны прытулак у Польшчы ў 2010. У верасні 2013 яго арыштавалі за падпал катэджаў у польскай вёсцы Брайнікі. Прычынай такога ўчынку стаў канфлікт Панамарова з іншым беларускім уцекачом Змітром Сурбам.
У Беларусі Панамарову нядаўна завочна прысудзілі штраф — 500 базавых (65 мільёнаў рублёў) за абразу прадстаўнікоў улады.
Каментары